港大退聯之「共產黨最高興」論

說得好。

Lunyeah - 港大退聯之「共產黨最高興」論
https://thestandnews.com/politics/%E6%B8%AF%E5%A4%A7%E9%80%80%E8%81%AF%E4%B9%8B-%E5%85%B1%E7%94%A2%E9%BB%A8%E6%9C%80%E9%AB%98%E8%88%88-%E8%AB%96/

由幾時開始，我地做人做事的準則係要睇「共產黨高唔高興」？大家要含淚投票俾泛民！否則「共產黨最高興」；大家唔好退出學聯！否則「共產黨最高興」；大家唔好批評左膠！否則「共產黨最高興」；大家唔好衝擊升國旗！否則「共產黨最高興」......

咁點解當日又要勸大家從佔領區撤離？唔怕「共產黨最高興」咩？點解民主黨要入中聯辦密室談判？唔怕「共產黨最高興」咩？點解要反對本土派的「光復行動」？ 唔怕「共產黨最高興」咩？點解左膠孔令瑜當日要向毛范譚三個溫和本土派開記招下戰書？唔怕「共產黨最高興」咩？點解左膠要支持中港融合？唔怕「共產黨最高興」咩？點解天主教正義和平委員會要「為中港融合祈禱」？唔怕「共產黨最高興」咩？點解孔令瑜要盲撐縱火犯施君龍？唔怕「共產黨最高興」咩？點解左膠要圍插陶傑？唔怕「共產黨最高興」咩？